На локалней лїстини СПС и штверо Керестурци

автор сен
1.7k Опатрене

РУСКИ КЕРЕСТУР – Рускокерестурцом ше вчера представела ище єдна лїстина за наиходзаци локални виберанки – „Др Велибор Васович-Социялистична партия Сербиї” (СПС), хтора ше характеризує як лївица. На локалних виберанкох лїстина будзе под число 4, на нєй 29-еро кандидати за одборнїкох у Скупштини општини Кула, а медзи нїма и штверо Керестурци: Наталия Ґовля, Весна Макаї, др Ярослав Колбас и Славко Надь.

Спред Месного одбору СПС красному числу согражданох свою лїстину представела Наталия Ґовля. Як просвитни роботнїк, бешедовала о цильох тей странки у обласци образованя, а як найзначнєйши наглашела пестованє основного и штреднього образованя и лєпше положенє просвитних роботнїкох.

СПС ше заклада и за квалитетнєйши живот на валалє, економски розвой и унапредзенє польопривреди, та лєпши условия за живот младих.

Ношитель лїистини др Велибор Васович з Кули, котри на промоциї у Керестуре тиж представел утвердзени идеї и цилї СПС, наглашуюци же на локалних виберанкох треба гласац за квалитетни особи зоз своєй општини, а нє за лидера странки.

ПОВЯЗАНИ ТЕКСТИ