НОВИ САД – Од кеди у Новим Садзе почало видаванє бициґлох, вше векше число Новосадянох ше по городзе вожи праве на тей превозки. З розвойом системи „НС байк”, у Новим Садзе єст и вше векше число станїцох на хторих ше видава бициґли, а того тижня на Кею отворена ище єдна.
Директор „Паркинґ сервису” Стеван Луґоня наведол же тей сезони зазначени 25 000 видаваня бициґлох. Вон гварел же того року єст 700 нових хасновательох, та тераз єст вєдно 3 900 хасновательох карточкох.
Луґоня гварел и же то 11. станїца за бициґли у Новим Садзе, а идуцого року, на початку сезони, заплановане направиц ище єдну.
