На нєдзелю означованє ювилейох Карате-клубу „Русин”

автор зам
810 Опатрене

РУСКИ КЕРЕСТУР – На нєдзелю, 15. марца, Карате-клуб „Русин” отрима пригодну шветочносц з нагоди означованя двох ювилейох – 40 рокох каратеа у Руским Керестуре и 35 рокох урядового снованя Карате-клубу „Русин” и початку змаганя у „Бачкей карате лиґи”.

З нагоди рочнїцох, терашнї тренер у Карате-клубу Михал Орос, з допомогу дзепоєдних дакедишнїх каратистох, пририхтал и окремну Моноґрафию – „40 роки каратеа у Руским Керестуре (1975-2015)”, у хторей пригодни тексти, фотоґрафиї и мена зачатнїкох каратеа у валалє, та кратши историят Клубу по нєшка.

З нагоди ювилейох пририхтани и таблон з фотоґрафиями перших членох, односно екипи Карате-клубу „Русин” хтора ше почала урядово змагац. Моноґрафия и таблон буду представени на нєдзелю, 15. марца на спомнутей шветочносци, хтора будзе на 18 годзин.

Карате-клуб и прейґ Рутенпресу поволує шицких своїх дакедишнїх и терашнїх членох же би пришли на шветочносц з нагоди означованя ювилейох.

ПОВЯЗАНИ ТЕКСТИ