НОВИ САД – У ютрейшим ТВ Маґазину буду емитовани прилоги з означованя Дня Радио-телевизиї Войводини, вистави подобових роботох Сонї Папуґа Андєлич, промоциї кнїжки-мастер роботи Ани Римар, як и зоз Сайму етно-поживи и напою у Беоґрадзе.
Такой по ТВ Маґазину, на 21 годзин будзе емисия „Широки план”, пошвецена 25-рочнїци Спортских бавискох „Яша Баков”, о чим будзе слова з госцами у студию, а у музичней часци участвую Дзивоцка шпивацка ґрупа з Руского Керестура и Сашо Палєнкаш.
Реприза ТВ Маґазину будзе такой на пондзелок вноци на 2 г. и на штварток на 21,30 г. (после емисиї „Добри вечар, Войводино”).
Реприза „Широкого плану” будзе на пондзелок на 9 и на соботу на 16 годзин.