НОВИ САД – На Филозофским факултету у Новим Садзе нови академски школски рок почнє на пондзелок, 5. октобра, а на перши рок Одсеку за русинистику уписани штверо нови студенти.
Лидия Костелник, Виктория Винаи и Иван Кузманоски буду студирац на терху держави, а Мая Недельков як самофинансуюци студент.
Приєм бруцошох на пондзелок будзе на 11,30 годзин у кабинету Одсеку за русинистику, у учальнї 204 на другим поверху.
За нових студентох шицких одсекох орґанизована и програма ориєнтациї, же би ше лєгчейше знашли у своїх перших студентских дньох.
На пондзелок будзе отримана и културно-уметнїцка програма, та так на 10,30 г. будзе преподаванє арґентинского писателя Ґилєрма Орсия, а на 13 г. концерт трох ґрупох – „Беш, бош, баш”, „Д.О.Ф.” и „Збогом Брус Ли”.