НОВИ САД – Нєшка на 12 годзин Орґанизация за безпечносц и сотруднїцтво (ОЕБС) и Нєзависне дружтво новинарох Сербиї (НУНС) орґанизую онлайн конференцию на тему „Представянє анализи и розгварка о медийох на язикох националних меншинох”.
На конференциї будзе представене виглєдованє о меншинских медийох у Сербиї, пейц роки после процесу приватизациї, котре направел новинар Недим Сейдинович.
У онлайн конференциї буду участвовац представнїки Министерства култури и информованя Републики Сербиї и меншинских медийох, медзи котрима и НВУ „Руске слово”.
У виглєдованю о меншинских медийох Недима Сейдиновича, позитивно оценєне усвойованє Интерного етичного медийного кодексу котре концом прешлого року подписали Национални совит Руснацох и НВУ „Руске слово”.