РУСКИ КЕРЕСТУР – На Општинским змаганю з биолоґиї за школярох висших класох основних школох, хторе 14. марца отримане у Сивцу, школяре з керестурскей Школи „Петро Кузмяк” освоєли штири дипломи, а з Керестура ше змагали 12-еро школяре.
Леонтий Сивч з пиятей класи завжал друге место и лєм два боди му хибело за пласман на висши ступень змаганя. Треци места освоєли Теодора Русковски и Александер Киш, тиж з пиятей, та Соня Балїцки зоз шестей класи. За змаганє их пририхтала наставнїца Єлена Шомодї.