ШИД – На пияток, 22. Мая, на церковне швето Преношеня мощох Святого оца Миколая, Месна заєднїца Шид означи свой Дзень, а источасно то и храмове швето церкви Святого оца Миколая Сербскей православней церкви.
На осем годзин рано будзе отримана шветочна схадзка Совиту Месней заєднїци на хторей будзе додзелєне „Святоникольске припознанє”.
На дзевец годзин будзе служена у спомнутей церкви Шветочна Служба Божа, а потим процесия прейдзе през улїци Кнеза Милоша, Алекси Шантича и враци ше ґу церкви през Карадьордєву улїцу.
Потим у церковней порти будзе отримана културно-уметнїцка програма, а вечар на 18 годзин у сали Културно-образовного центра будзе отримана Шветочна академия хтору пририхтали школяре Основней школи „Бранко Радичевич” у Шидзе.