На пияток промоция кнїжки прешлорочней побиднїци Фестивалу поезиї младих Тамари Хриновей

автор апм
883 Опатрене

ВЕРБАС – У Вербаше вчера почал 47. Фестивал поезиї младих (ФПМ), єдна з найзначнєйших литературних манифестацийох у нашей жеми, а тирва по соботу, 30. май.

Програма вчера почала у Ґимназиї „Жарко Зренянин”, а на шветочним отвераню ФПМ бешедовал академик Матия Бечкович, док у музичней часци участвовали Александра Караджич на клавиру и сопран Сенка Неделькович.

У рамикох Фестивалу буду отримани традицийни програми, як цо то „Вилєт до прози”, „Палета младих 2015”, „Лирска програма за дзеци”, „Портрет поети”, а финалистох приме и предсидатель Општини Вербас.

На пияток, 29. мая будзе промоция кнїжки прешлорочней побиднїци Фестивалу – Тамари Хрин з Руского Керестура.

Тамара Хрин за освоєне перше место на прешлорочним Фестивалє як награду достала обявйованє своєй збирки поезиї, а промоция тей кнїжки на пияток будзе у Народней библиотеки „Данило Киш” на 19 годзин.

ПОВЯЗАНИ ТЕКСТИ