На пияток „Яр Мафтея Виная”

автор гар
878 Опатрене

СУБОТИЦА – На пияток, 17. априла, у Городскей читальнї у Суботици будзе традицийна Културна манифестация „Яр Мафтея Виная”, хтору орґанизує Дружтво Руснацох у Суботици.

Манифестация дополадня почнє з кладзеньом квеца на гроб Мафтея Виная, а на вечар, на 19 г. будзе културно-уметнїцка програма, хтора того року пошвецена нашим младим автором.

На Манифестациї „Яр Мафтея Виная” буду представени фотографиї Марияни Павловичовей з Руского Керестура, потим часопис МАК, як и найновша двокнїжка поезиї у виданю МАК-у – „Чаривни нїтки” Цецилиї Надь з Керестура и „З Молу до Дуру” Михаила Рамача з Дюрдьова, як и сучасна проза Якима Виная, сотруднїка МАК-у з Керестура.

У музичней часци програми наступя Анамария Колошняї, котра на школованю у Суботици, и Златко Русковски, обидвойо з Руского Керестура.

 

ПОВЯЗАНИ ТЕКСТИ