На Покраїнскей смотри и дзешецеро рецитаторе по руски

автор зам
969 Опатрене

СЕЧАНЬ – У сечню, у Банату, нєшка почина Покраїнска смотра рецитаторох, а тирва по соботу, 23. април. На Покраїнскей смотри у трох возросних конкуренцийох участвую и дзешецеро рецитаторе по руски.

Нєшка ше змагаю рецитаторе младшого возросту (школяре од першей по штварту класу ОШ), а по руски ше буду змагац Катарина Недич з Коцура, Кристина Дюранїн з Дюрдьова и Ребека Семан з Руского Керестура.

На ютре, у конкуренциї штреднього возросту (школяре од пиятей по осму класу ОШ) , з писнями по руски ше буду змагац Валентина Михняк и Валентина Салаґ з Дюрдьова, та Матей Шепински з Керестура.

На соботу, 23. априла, на найвисшим змаганю рецитаторох у Войводини у конкуренциї старшого возросту (штредньошколци, студенти и младеж) з рецитациями по руски ше змагаю Тимеа Будински и Леонтина Штефанко з Руского Керестура, та Александар Планкош и Мирослав Малацко, тиж Керестурци, котри рецитую за новосадски Руски културни центер.

ПОВЯЗАНИ ТЕКСТИ