На Покраїнскей смотри и рецитаторе по руски

автор зам
1.1k Опатрене

СЕЧАНЬ – У Сечню нєшка почина Покраїнска смотра рецитаторох, хтора тирва три днї, по нєдзелю, 26. априла. На змаганю участвую и дзевецеро рецитаторе з наших местох котри рецитую по руски.

У катеґориї младшого возросту на Покраїнскей смотри рецитаторох нєшка участвую Милица Михальовски з Дюрдьова и Минеа Югас и Микола Еделински з Руского Керестура.

На ютре у катеґориї рецитаторох штреднього возросту участвую Валентина Михняк з Дюрдьова, Марко Недич з Коцура и Желько Виславски и Тимеа Будински з Керестура.

У конкуренциї старшого возросту на нєдзелю, 26. априла, на Покраїнскей смотри рецитаторох наступя Николета Недич з Коцура и Мирослав Малацко з Руского Керестура.

Рецитаторох за змаганє пририхтали Ивана Дудаш и Мелания Рамач у Керестуре, Мария Самарджич и Яким Гарди у Дюрдьове и Весна Дїлас у Коцуре.

ПОВЯЗАНИ ТЕКСТИ