РУСКИ КЕРЕСТУР – На пондзелок, 20. юлия (на Илиї григориянским календаре), Еколоґийни рух „Желєни персцень” и Церковни одбор парохиї св. оца Миколая з Руского Керестура орґанизую Еколоґийно-подзековни сход у Водици. Сход будзе отримани як подзекованє и спатранє резултатох акциї на ожелєньованю драги и простору коло Водици.
Орґанизаторе на пшондзелок до Водици поволую школярох керестурскей школи, огньогасцох, пензионерох и других котри садзели древка, а поволани и члени предходного зволаня Церковного одбору, котри тиж участвовали у тей акциї. На стретнуце у Водици поволани и Церковни одбор з Коцура.
Сход у Водици на пондзелок почнє на 9 годзин, на 10 будзе Благодарна Служба Божа, а на 11 шветочна схадзка.