РУСКИ КЕРЕСТУР – На швето Преображеня Господнього, вюсоботу, 6. авґуста, у Марийовим святилїщу Водица у Руским Керестуре служена Служба Божа з пошвецаньом овоци.
Попри домашнього капелана о. Михайла Шанту, котри и наказовал, Службу служели о. Яков Кулич, о. Яков Новак и коцурски парох о. Владослав Рац, котри з тей нагоди означел и 30-рочнїцу єрейского рукоположеня.
И попри подлей хвилї и дижджу, хтори нєпреривно падал, на Служби було надосц вирних, котри принєсли и овоц на пошвецанє.