КУЛА – У кулскей Основней школи „Петефи бриґада” вчера означени Европски дзень язикох, хтори 26. септембра, алє є у тей школи означени у рамикох Дзецинского тижня.
У голу Школи були поставени штанди з кнїжками и словнїками, а дзепоєдни школяре були облєчени у народним облєчиве. То була нагода упознац традицию и литературу на язикох яки ше виучує у тей школи – сербску, мадярску, анґлийску, нємецку, русийску, французку, українску и руску.
Школяре котри ходза на годзини пестованя руского язика ше представели зоз словнїками, кнїжками, а нащивительом дзелєли означовача за кнїжки и видруковани руски присловки з прекладом. Дзивчата – Анастасия Джуджар зоз 7. класи, Дияна Канюґа и Анастазия Козар з 8. класи були у народним облєчиве, а з нїма бул и школяр 8. класи Себастиян Гарди.
Школярох за тоту програму пририхтала наставнїци Мария Стрибер, котра пре нови задлуженя у ОШ „Петефи бриґада” вецей нє будзе преподавац руски язик, алє нова наставнїца руского – Тамара Хома.