НОВИ САД – На Продуктней берзи у Новим Садзе прешлого тижня предати 1 175 тони роби, цо по количестве за 17,5 одсто вецей як тидзень пред тим, алє финансийна вредносц була за пейц одсто менша и виношела 27 милиони 989 500 динари.
Найвецей ше тарґовело з меркантилним житом, и предати 1 000 тони по 21,45 динари за килограм. Тарґовене и зоз сою, та предати 125 тони сої, од 44,99 по 45,98 динари за килограм.
Кукурица прешлого тижня була драгша, та 50 тони предати за 17,82 динари, а рост цени кукурици спричинєл и рост индексу Продуктней берзи, та тераз ма 205,53 индексни поени.