ВАЛЄВО – У Валєве нєшка, 15. мая, 47. Републична смотра рецитаторох, на хторей участвую и нашо змагателє – Валентина Михняк з Дюрдьова и Мирослав Малацко з Руского Керестура.
Михнякова на Републичней смотри участвує у штреднїм возросту з писню Александра С. Пушкина „Сказка о рибарови и рибки”, а Малацко у старшим возросту, з писню Оскара Вайлда „Судзенє”.
За тогорочни змаганя рецитаторох Валентину у дюрдьовскей ОШ пририхтала Мария Самарджич, а Мирослава у керестурским Доме култури Ивана Дудаш.
Пласман на найвисше змаганє у держави нашо рецитаторе витворели на Покраїнскей смотри, хтора отримана од 24. по 26. април у Сечню, а у Валєве Войводину представяю 27 рецитаторе, по дзевец у трох возростох.