НОВИ САД – Од вовторку, 29. септембра, на сайту Радио телевизиї Войводини (РТВ), попри вистох на сербским, мадярским, румунским, руским и словацким язику, мож провадзиц висти и на ромским язику.
– Думаме же и так звекшаме свидомосц о тим цо важне за Ромох и укажеме на шицки проблеми з хторима ше зочую у нашим дружтве – гвари Божидар Стойков з Ромскей редакциї РТВ.
З явного сервису поручую же жадаю промововац мултикултуралносц и мултиязичносц, а змисти хтори продукую наменєни за шицки национални заєднїци у Войводини. Змисти доступни на сайту www.rtv.rs и андроид апликациї, та дружтвеней мрежи Фейсбук.