РУСКИ КЕРЕСТУР – Родичи котри з дзецми предшколского возросту приду на соботову програму „Червеней ружи” – уход буду мац задармо – одлучене на вчерайшей схадзки Орґанизацийного и Програмного одбору Фестивалу рускей култури „Червена ружа”.
Така одлука принєшена пре спознанє и упознаванє дзецох з руску културу одмалючка, а на схадзки одлучене и о цени уходнїцох за шицки манифестациї.
Дзеци на свою манифестация – „Червене пупче”, як и скорейши роки, уход маю безплатно, а за старших уходнїца будзе 150 динари, кельо и за пияткову манифестацию „Одгуки з ровнїни”, после „Пупча”.
На соботу, за Шветочни концерт уходнїца 200 динари, а на нєдзелю, за шпивацку манифестацию „Червена ружа” 100 динари.