НОВИ САД – Дзень отворених дзверох Универзитету у Новим Садзе будзе отримани на соботу, 17. октобра, дзе ше штредньошколци, алє и шицки заинтересовани, годни упознац з можлївосцами за студиранє и дальше усовершованє на факултетох хтори у составе новосадского Универзитету.
Шицки 14 факултети Универзитету у Новим Садзе, у чиїм составе и даскельо факултети у Зомборе, Суботици и Зренянину, на соботу од 10 до 15 годзин отворя свойо дзвери будуцим студентом.
Ґу тому, нащивителє упознаю и кампус у хторим, попри седем факултетох, змесцени и студентски центер, завод за здравствену защиту студентох, два студентски доми, студентски ресторан и друге.
Факултети хтори нє у кампусу буду представени у Централним будинку Универзитету (Ректорату), а шицки факултети буду мац своїх представнїкох на инфо-пултох пред Ректоратом.
На Одсеку за русинистику на Филозофским факултету будзе отримана роботня „Руски за 5 минути” и квиз „Кельо ше познаме”.
Вецей информациї мож дознац на сайту www.otvorenavrata.uns.ac.rs.