НОВИ САД – На соботу, 6. децембра, будзе отримана друга порядна схадзка Националного совиту (НС) Руснацох у новим зволаню.
Схадзка будзе отримана у Новим Садзе, у просторийох Заводу за културу вийводянских Руснацох на 14 г., а на дньовим шоре прилапйованє Статута НС, прилапйованє Дїловнїка о роботи НС, предкладанє за вибор члена Совиту за медзинационални одношеня Городу Нови Сад и рижне.
Най здогаднєме, конститутивна схадзка штвартого зволаня НС Руснацох отримана 17. новембра у Руским Керестуре, а на такой после нєй отриманей першей порядней схадзки, за предсидателя и нового зволаня Совиту вибрани Славко Рац.