На соботу „Кед голубица лєцела”, у Горватскей и схадзка Шветовей ради

автор зам
1.1k Опатрене

ПЕТРОВЦИ/СТАРИ ЯНКОВЦИ/ВИНКОВЦИ (ГОРВАТСКА) – На соботу, 8. октобра, у Петровцох у Горватскей будзе Културна програма „Кед голубица лєцела”, хтору орґанизує Дружтво Руснацох у Републики Горватскей (РГ) „Руснак”, а у соорґанизациї з Општину Стари Янковци, Месним одбором Петровци и КУД „Яким Гарди” з Петровцох.

„Кед голубица лєцела” на соботу у Петровцох будзе на 19 г., а попри шпивачох и шпивацких ґрупох з Петровцох, Осиєку, Миклошевцох и Вуковару, плановане же  наступя и шпиваче, поетове и рецитаторе зоз здруженьох Русинох/Руснацох/Лемкох (РРЛ) з вецей жемох – членїцох Шветового конґресу РРЛ.

Програму ше отримує под покровительством Совиту за национални меншини РГ, а сопокровителє општини Боґдановци и Стари Янковци, Рада рускей националней меншини Городу Вуковар, Представитель рускей меншини Городу Заґреб, соборски заступнїк и за руску меншину Велько Кайтази и Вуковарско-сримска жупания.

Пред и после манифестациї у Петровцох, на соботу пополадню у Старих Янковцох почнє перша часц зашеданьох Шветовей ради РРЛ и Шветового форуму русинскей младежи, а схадзки буду закончени у Винковцох, на нєдзелю дополадня, 9. октобра.

ПОВЯЗАНИ ТЕКСТИ