РУСКИ КЕРЕСТУР – Тогорочни Майсторски бал будзе отримани на соботу, 26. януара у Ресторану „Червена ружа”, а орґанизує го Здруженє ремеселнїкох и приватних поднїмательох Руского Керестура.
Уходнїца за бал кошта 1 400 динари, а мож ю купиц при предсидательови Здруженя Владимирови Емейдийови, шицки информациї мож достац и на телефонске число 064/272-50-51.
Того року будзе пририхтана богата томбола вредносци понад 2 000 еври, а Здруженє поволує най ше явя и шицки котри сцу подаровац дацо за томболу. Традицийно, на дзень балу будзе орґанизоване дарованє томболи, предполадньом у Майсторским доме.
Майсторски бал ма найдлугшу традицию у валалє, того року госцох будзе забавяц „Пицикато бенд”, а Здруженє на бал поволує шицких своїх членох, алє и других заинтересованих госцох.