На соботу Републичне змаганє з руского язика

автор маф
1.2k Опатрене

КОЦУР – Як Рутенпрес дознава од Ирини Папуґа з Дружтва за руски язик, литературу и културу, тогорочне 15. Републичне змаганє з руского язика и язичней култури будзе отримане на соботу, 28. мая, а домашня Змаганю Основна школа „Братство єдинство” у Коцуре.

Буду ше змагац школяре з основних школох у хторих настава орґанизована по руски, и зоз школох у хторих ше руски язик виучує як виборни предмет з елементами националней култури, а котри ше на Републичне пласовали з Медзиокружного змаганя, хторе отримане пред мешацом, тиж у коцурскей школи.

По програми, приход учашнїкох од 8,30 годзин, отверанє Змаганя на 9,30, ришованє тестох од 10 до 12 годзин, а преглашованє резултатох Змаганя би мало буц од 14,30 до 15 годзин.

ПОВЯЗАНИ ТЕКСТИ