На соботу рочна Скупштина Рускей матки

автор зам
835 Опатрене

ВЕРБАС – Порядна рочна Скупштина Рускей матки (РМ) будзе отримана на соботу, 21. фебруара у Вербаше, у просторийох КПД „Карпати” на 15 годзин.

На дньовим шоре розпатранє Звиту о роботи РМ у 2014. року, та звитох о роботи месних, Городского и Реґионалного одбору Матки, тиж и финансийних звитох, а будзе принєшени и План роботи РМ за тот рок як цалей орґанизациї, як и спомнутих одборох по местох.

На рочней схадзки будзе бешедованє и о означованю 25-рочнїци Рускей матки, хтора планована самим концом того рока, як и о пририхтованьох за Тринасти Шветови конґрес Руснацох/Русинох/Лемкох (РРЛ) и Седми Шветови форум русинскей младежи, хтори у юнию того року буду у Румуниї, у месце Дева.

После схадзки Скупштини, Моника Гарди з Коцура одбави монодраму „Єст ту даяки хлоп”.

 

 

ПОВЯЗАНИ ТЕКСТИ