На соботу Семинар НС за наших просвитних роботнїкох

автор маф
1.1k Опатрене

РУСКИ КЕРЕСТУР – У орґанизациї Националного совиту Руснацох на соботу, 3. децембра, будзе цалодньови Семинар за просвитних роботнїкох котри наставу тримаю по руски у воспитно-образовних установох од предшколского по штредньошколски уровень. Семинар будзе у Школи „Петро Кузмяк” у Руским Керестуре, а почнє на 10 годзин.

Преподаваня о визначних особох у просвитним, културним, националним и привредним живоце Руснацох, о уплїву сербского на руски язик и о польодїлскей лексики на Семинаре отримаю професоре з Оддзелєня за русинистику Филозофского факултету – проф. др Янко Рамач, проф. др Михайло Фейса и ма Александер Мудри.

Семинар за тераз нє акредитовани, а плановане же би бул отримани у двох терминох, та други термин будзе на початку другого полроча.

ПОВЯЗАНИ ТЕКСТИ