ДЮРДЬОВ – На соботу, 26. децембра, у Дюрдьове у КУД „Тарас Шевченко” будзе орґанизовани пияти Литературни вечар младих. Сход у просторийох КУД на 20, а програма почнє на 20,30 годзин.
У програми буду участвовац млади уметнїки котри творя на руским язику з Руского Керестура, Коцура, Нового Саду, Зомбора и Дюрдьова, а по програми будзе друженє.
Орґанизацию Литературного вечару младих потримує Роботне цело за младеж Националного совиту Руснацох и Управни одбор КУД „Тарас Шевченко”.