НОВИ САД – Виучованє руского язика за школярох штреднїх школох у Новим Садзе у тим школским року почнє 19. септембра на 9 годзин, у Технїчней школи „Милева Марич Анштайн”.
Як и у прешлим полрочу прешлого школского рока, руски язик заинтересованим штредньошколцом будзе преподавац наставнїца Ванеса Медєши.
Коло отримованя настави руского язика за штредньошколцох у Новим Садзе найвецей ше анґажує Дружтво за руски язик, литературу и културу, хторе ю и порушало 2006. року, маюци у огладзе и инициятиву самих родичох з 2004. року.