ҐОСПОДЇНЦИ – Тогорочна 16. по шоре Подобова колония „Стретнуце у Боднарова” у Ґосподїнцох будзе отримана на соботу, 17. октобра, и будзе тирвац тот дзень.
Очекує ше же на Колониї буду участвовац коло двацец подобово уметнїки з вецей местох, и же буду приложени пейц подобово роботи, понеже ше даєдни уметнїки одлучели мальовац з дому.
На тогорочней Колониї нє будзе отримана Дзецинска подобова колония, котра ше потераз отримовала на други дзень Колониї. Отрима ше у просторийох Месней заєднїци Ґосподїнци у центре валалу од 10 годзин дополадня. Єй орґанизатор Дружтво за руски язик, литературу и културу.
Того дня, у Подобовей ґалериї МЗ Ґосподїнци буду виложени роботи зоз прешлорочней, 15. Подобовей колониї и представени Каталоґ тих роботох.
Колония мала буц отримана влєце, як и каждого року, а преложена є пре нєвигодну ситуацию зоз вирусом Ковид-19.