ЖАБЕЛЬ – Конститутувна схадзка Скупштини општини (СО) Жабель будзе отримана на стреду, 1. юния.
После потвердзованя мандатох нововибраним одборнїком, на схадзки буду вибрани предсидатель и заменїк предсидателя СО, поставени секретар СО, а плановани и вибор Комисиї за кадрово, административни и мандатно-имунитетни питня, Комисиї за статутарни питаня и нормативни акти, Совиту за финансиї и привреду, та менованє Општинскей виберанковей комисиї у стаємним составе.
На першей схадзки одборнїки виберу и предсидателя Општини Жабель, його заменїка и членох Општинскей ради.
СО Жабель ма 31-го одборнїка, а на виберанкох 24. априла найвецей – 13 одборнїцки места освоєла лїстина Сербскей напредней странки (СНС), док Ґрупа гражданох „Чедомир Божич-Наша општина Жабель” освоєла 9 места.
Лиґи сoциялдемократох Войводини (ЛСВ) у новим зволаню СО Жабель ма 3, а по 2 одборнїцки места Социялистична партия Сербиї (СПС), Сербска радикална странка (СРС) и Ґрупа гражданох „Гражданска инициятива”.