СРИМСКА МИТРОВИЦА – Централна програма Руснацох у Сримскей Митровици „Мацери Рускинї”, хтора у Календаре репрезентативних манифестацийох Националного совиту (НС) Руснацох, будзе отримана на стреду, 14. децембра.
Шветочну академию „Мацери Рускинї” орґанизує Подручна канцелария НС Руснацох у Митровици, а на стреду будзе на 18 годзин у Театру Добрица Милутинович.
На Академиї „Мацери Рускинї буду виведзени пригодни рецитаторски, шпивацки и музични точки, участвую и дзеци котри у Сримскей Митровици виучую руски язик, а госц на програми фолклорни ансамбл КУД „Яким Гарди” з Петровцох, з Горватскей.