На сходзе з Поверенїцу за защиту ровноправносци и представителє НС Руснацох

автор зам
857 Опатрене

БЕОҐРАД – Заменїк предсидателя Националного совиту Руснацох Йовґен Мудри нєшка у Беоґрадзе участвує на схадзки-округлим столє з нову Поверенїцу за защиту ровноправносци Бранкицу Янкович и представителями Хижи за людски права и демократию.

Тема схадзки упознаванє представительох националних совитох (НС) националних меншинох у Сербиї з проєктом „Най ровноправносц постанє стварносц” и резултатами на дотерашнїх роботньох за представительох совитох.

Представителє НС з поверенїцу буду бешедовац о дискриманициї на основи националней припадносци и етнїчного походзеня, о улоги НС у борби процив дискриминациї у обласци образованя, як и о постояцих проблемох у витворйованю ровноправносци и борби процив дискриминациї з хторима ше зочую НС националних меншинох у Сербиї.

На єдней з тих роботньох Канцелариї поверенїци за ровноправносц о Улоги националних совитох националних меншинох у борби процив дискриминациї праве вчера присуствовали и представителє НС Руснацох – предсидатель и члени Вивершного одбору Желько Ковач, Наташа Еделински Миколка, Наташа Макаї Мудрох и Микола Шанта.

ПОВЯЗАНИ ТЕКСТИ