На тарґовищу пошвидко „сербски квалитет”

автор сен
866 Опатрене

БЕОҐРАД – Продукти хтори направени зоз сировинох зоз Сербиї, а по квалитету су понад конкуренциї, пошвидко годни достац ознаку „сербски квалитет”, предвидзене з нову Уредбу Влади Сербиї.

Знак „сербски квалитет” годни мац продукти з млєка, меса, овоци, желєняви, житаркох, олєяркох, грозна и меду, окрем моцних алкоголних напойох, вина и ароматизованих продуктох з вина, а состойки муша походзиц виключно з териториї Сербиї.

Национални знак „сербски квалитет” годни достац лєм польопривредни продукти хтори по хемийним составе, физичних, микробиолоґийних и орґанолептичних прикметох, способе продукциї, сировинох, лєбо состойкох ясно розлични од других польопривредних и поживових продуктох з истей катеґориї.

Вимоги за хаснованє ознаки треба придац до Министерства польопривреди. Пошвидко будзе основана фахова комисия за оценьованє окремних характеристикох польопривредних и поживових продуктох, а продукователє буду доставац ришеня о праву на хаснованє ознаки „сербски квалитет”, пише у Уредби.

ПОВЯЗАНИ ТЕКСТИ