КОЦУР – У рамикох Фестивалу гумору и сатири „Коцурска чутка”, всоботу, 28. новембра, отримана и часц програми за дзеци „Коцурска чуточка”.
Дзеци виведли вецей скечи и музични точки, а наступали Силвия Маґоч, Наташа Тамаш, Саня и Мирослава Ґайдош, Єлена и Антоний Чордаш, та Дарина Михняк.
У програми з танєчну точку и скечом участвовали и школяре руского оддзелєня першей класи коцурскей Основней школи, хторих за тоту нагоду пририхтала учителька Славица Чельовски.
Програму на „Чуточки” водзела Катарина Фейди, котра пречитала и наградзене дїло Дюру Салонтая, хтори на Фестивалє достал „Соцкийову награду” – за гумористичну роботу на руским язику.
