У Вербаше будзе промоция рускей и сербскей верзиї романа „Тиски квет”

автор я. дюранїн
658 Опатрене

ВЕРБАС – На штварток, 26. септембра на 20 годзин, у просторйох КПД „Карпати” у Вербаше (Нєґошевач. 21) будзе отримана промоция рускей и сербскей верзиї романа „Тиски квет” академика Юлияна Тамаша, у виданю новосадского „Прометея” и КПД „Карпати” 2018. року.

О роману буду бешедовац писателє Стеван Тонтич, др Радмила Ґикич-Петрович и автор.

Заинтересованей публики буду информативно приказани и други кнїжки котри автор обявел у 2018. року – кнїжка есейох и студийох „Складанє идентитетох” (НВУ „Руске слово”), писньох „Испред смртног таласа” („Прометей”) и зборнїк „Рецепциjа дела Jулиjана Тамаша” (Филозофски факултет Нови Сад).

Нащивителє промоциї безплатно достаню по прикладнїк и рускей и сербскей верзиї романа „Тиски квет”. Министерство култури Републики Сербиї у цалє одкупело тираж роману за шицки библиотеки у Сербиї, а „Складанє идентитетох” було у найузшим виборе за державну награду України „Иван Франко”.

ПОВЯЗАНИ ТЕКСТИ