РУСКИ КЕРЕСТУР/КУЛА – З нагоди Дня побиди у Другей шветовей войни и 70-рочнїци побиди над фашизмом, у Руским Керестуре будзе положени венєц на памятнїк погинутим борцом у центре валалу, у парку.
Венєц на памятнїк на нєдзелю, 10. мая, на 9,30 годзин положа члени Месного одбору (МО) Здруженя борцох НОВ и представителє Месней заєднїци Руски Керестур.
МО Здруженя борцох поволує шицких заинтересованих Керестурцох же би пришли на тоту подїю и зоз своїм присуством дали почесц погинутим борцом у Другей шветовей войни.
Венци на памятнїк погинутим борцом у Кули, у городским парку, на ютре положа делеґациї Здруженя борцох НОВ и Општини Кула, на чолє з предсидательку Скупштини општини Снежану Мркаич.