НОВИ САД – На ютре, 10. децембра, од 12 до 16 годзин у просторийох Инфополису (Площа шлєбоди 3) будзе едукативне стретнуце „Живи информатор”, на хторим штредньошколци, студенти и шицки заинтересовани годни з першей руки дознац о рижних занїманьох.
„Живи информатор” отвореного типу, уход безплатни, а заинтересовани можу присц кеди сцу и при волонтерох опатриц лїстину занїманьох о хторих ше годни поинформовац.
На основи лїстини годно вибрац „живи информатор” – особу котра роби интересантну роботу и потим у опущеней атмосфери бешедовац з ню и так ше поинформовац о занїманю, потребней едукациї, можлївосцох находзеня роботи и подобним.
Проєкт „Живи информатор” орґанизує здруженє младих „БалканИДЕА” з Нового Саду. Витворює ше го з помоцу Городскей управи за спорт и младеж Нового Саду, а у рамикох Локалного акцийного плану политики за младих за 2016. рок.