На ютре „кул“ Ноц виглєдовачох

автор сен
951 Опатрене

НОВИ САД Програми тогорочней Ноци виглєдовачох у Новим Садзе на ютре буду у тарґовецким центре „БИҐ“ и клубу „The Quarter“, а тема двосмислова – „cool наука наука нїзких температурох, лєбо наука хтора кул.

У „БИҐ“-у змисти почню на 15 годзин, а нащивителє годни участвовац на рижних „cool роботньох и видзиц интересантни експонати и зявеня, як цо авто з електронских компонентох, индустрийни робот хтори прави иґло, хемию ляду, терапийну гипотермию итд.

У клубу „The Quarter“ на 20 годзин почнє преподаванє технолоґох з новосадского Универзитету з тему крафт пива, а окрем преподаваня, нащивителєгодни и коштовац „виглєдовацке пиво“, наявели орґанизаторе.

После будзе традицийни Наукови квиз, дзе за участвованє треба позберац пейцчленову екипу и видумац даяке „cool мено. Потим годно участвовац и на роботнї LIGHT/PLAY, на хторей з помоцу розличних материялох, шветлох и видео проєктору учашнїки през бависко буду сами правиц видеоматериял.

На концу наступя науковци-музичаре „Mistakemistake, DOF, Johnny Almost i Vrata naroda.

Шицки змисти безплатни, а вецей информациї мож пречитац на сайту www.nocistrazivaca.rs/gradovi/ns/

ПОВЯЗАНИ ТЕКСТИ