КОЦУР – На ютре, 18. януара, у коцурским у Руским доме, у орґанизациї Подручней канцелариї Националного совиту Руснацох у Коцуре и КУД „Жатва”, будзе означене Националне швето Руснацох.
Програма, у котрей буду рецитовац школяре Основней школи „Братство єдинство”, шпивац члени КУД „Жатва”, а Мария Горняк одрецитує пригодну писню Михала Рамача о Руснацох, почнє на 18 годзин. По законченю програми будзе друженє и коктел.
За одход на Централну преславу Националного швета Руснацох, котра будзе отримана у Руским Керестуре, 19. януара будзе орґанизовани автобус, а хто зоз Коцура, Вербасу и Кули жада пойсц на централну преславу треба же би ше явел предсидательови КУД „Жатва” Миколови Шантови на число телефона 069 673317, або же би му писал порученє по Фейсбуку. Автобус зоз Коцура руша на 16 годзин.