На ютре о програми Тринастого Шветового конґресу РРЛ

автор зам
1.1k Опатрене

БУДАПЕШТ (МАДЯРСКА) – У Будапешту, у Мадярскей, на ютре, 2. мая, будзе отримана схадзка Шветовей ради Руснацох/Русинох/Лемкох (ШР РРЛ), на хторей будзе утвердзена програма роботи Тринастого Шветового конґресу (ШК) РРЛ, хтори 19. и 20. юния будзе отримани у Деви, у Румуниї.

 Попри дньового шору двох пленарних зашеданьох наступоного Конґресу, ШР на ютре будзе розпатрац и предкладаня русинских орґанизацийох зоз Ческей Републики и Сиверней Америки о їх уключованю до ШК, як и кандидатуру „Обєдинєня Русинох” з Москви, з Русиї, за приєм до Конщресу.

ШР будзе бешедовац и о одредзених технїчних детальох Конґресу у Румуниї, як цо то число делеґатох и госцох з членских орґанизацийох, та предкладаня за предшедуюцих Конґресних комисийох, а на дньовим шоре Ради и початок розправи о потреби вирабяня гералдицкого гербу ШК РРЛ.

Тиж так, будзе слова и о концепциї и обсягу чесопису Конґресу „Глас Русина”, а мала би буц принєшена и Одлука о тогорочному добитнїкови Награди ШР „Василь Турок Гетеш”, на предкладанє Комисиї за културу ШК, хтора тиж на ютре зашеда у Будапешту.

ПОВЯЗАНИ ТЕКСТИ