ВЕРБАС – Вербас од 24. по 28. май будзе домашнї 48. Фестивалу поезиї младих, а дзешецеро млади поетове вошли до найузшого вибору за побиднїка тей традицийней манифестациї. Финалисти свою поезию публики представя на соботу, 28. мая, на закончуюцим вечаре Фестивалу.
На ютре у Ґимназиї „Жарко Зренянин” будзе шветочне отверанє Фестивалу, з промоцию кнїжки писньох о Вербаше „Город на поетовей руки”, а участвую Перо Зубац, Дьордьо Сладоє, Данило Йоканович и други. Початок на 19 годзин.
На стреду на 19 годзин у Народней библиотеки „Данило Киш” будзе „Вилєт до прози Ранка Рисоєвича”, як и „Палета младих 2016” у Ґалериї Културного центру Вербас, на 20 годзин.
На штварток будзе „Лирска програма за дзеци” и портрет поети Ґойка Дьога, а на пияток промоция кнїжки „Живот по слунку” побиднїка прешлорочного Фестивалу Спасоя Йоксимовича, як и змаганє у слем поезиї.
На соботу, 28. мая, будзе литературна програма школярох штреднїх школох и закончуюци вечар у Биоскопе „Югославия”, на 19 годзин.