СЕРБИЯ – На ютре, нєдзелю, 24. априла у Сербиї буду виберанки – позарядово парламентарни и порядни покраїнски и локални у векшини општинох и городох у держави.
Шейсц милиони 737 808 полнолїтни гражданє Сербиї уписани до виберацкого списку на 8 378 гласацких местох буду виберац 250 народних посланїкох з 20 виберанкових лїстинох.
Право гласа на ютрейших виберанкох у Войводини ма милион 729 201 гласач, а после скоро 30 рокох, 120 покраїнски посланїки буду вибрани лєм по пропорцийней, а нє и по векшинскей, односно комбинованей системи. Посланїкох ше будзе виберац з 15 лїстинох.
Терашнї виберанки буду єденасти од запровадзованя вецейстранковей системи у Сербиї 1990. року, а пияти позарядови од демократских пременкох 2000. року. Буду то и треци парламенти виберанки за менєй як штири роки.