РУСКИ КЕРЕСТУР – У Руским Керестуре на ютре, 28. октобра, будзе отримана порядна схадзка Одбору за културу Националного совиту (НС) Руснацох, на хторей будзе предлужена и розправа о култури у нашей заєднїци, почата концом авґуста на заєднїцкей роботней схадзки Одбору и представительох подручних канцеларийох.
Члени Одбору за културу НС би мали предложиц и членох до управних и надпатраюцих одборох Заводу за културу войводянских Руснацох (ВР) и РНТ „Петро Ризнич Дядя, понеже терашнїм на яр идуцого року виходза мандати, а єдна з точкох дньового шору будзе и предкладанє финансованя КУД-ох у 2016. року прейґ орґанизованя фахових роботньох Заводу за културу ВР.
Розправа о Календаре манифестацийох у идуцим року, снованє Комисиї за фестивали, як и дзепоєдни вимоги тиж буду теми ютрейшей схадзки Одбору за културу, хтора на 18 г. будзе у просторийох Дому култури Руски Керестур.