БЕОҐРАД – Министерка польопривреди Снежана Боґосавлєвич Бошкович наявела же на ютре, на штварток, будзе отримана схадзка з продукователями жита, представителями здруженьох, млїнарскей индустриї и одкупйовачами, же би ше нашло ришенє и розпатрело арґументи за звекшанє цени жита.
Министерка гварела же каждого року цена иншака и же треба раховац на тото же векшина польопривреднїкох жито нє предава такой, алє го и одкладаю, чекаюци векшу цену.
Министерка польопривреди здогадла же ше рихта правилнїк хтори, медзи иншим, обезпечи же би ше жито, мука и други пекарски продукти плацело по квалитету.