КУЛА – На ютре будзе отримана штерацета схадзка Скупштини општини (СО) Кула, на хторей найвецей бешеди будзе о звитох о дїлованю у прешлим и програмох дїлованя явних и явно-комуналних подприємствох у местох општини у тим року, медзи нїма и ЯКП „Руском” з Руского Керестура.
На дньовим шоре и Предлог одлуки о задлужованю Општини Кула, о законченю ликвидациї ЯП „Туристична орґанизация Општини Кула”, як и розришенє и менованє школских одборох, управних и надпатраюцих одборох установох и ЯП хторим Општина снователь, та вибор членох дзепоєдних комисийох СО Кула.
Ютрейша схадзка почнє на 10 годзин у велькей сали Скупштини општини Кула.