РУСКИ КЕРЕСТУР – Традицийни, уж 21. „Бамби фест” Предшколскей установи (ПУ) „Бамби” Кула шветочно отворени 4. априла у дзецинскей заградки у Сивцу, на сам Дзень ПУ, а програма рускокерестурского Оддзелєня „Цицибан” у рамикох „Бамби фесту” у Керестуре будзе на ютре, 7. априла, у Велькей сали Дому култури на 18 годзин.
Вше интересантну програму з музично-сценскима точками и рецитациями зоз своїма виховательками пририхтали дзеци у скоро шицких воспитних ґрупох керестурскей дзецинскей заградки – од найменших тророчних, по предшколцох. Ґу тому, у голу Дому културу будзе поставена и вистава їх подобових роботох.
Програму „Бамби фесту” ше отримує у шицких дзецинских заградкох ПУ „Бамби” у местох кулскей општини.