СРИМСКА МИТРОВИЦА – На ютре, пияток, 11. децембра, у сали Театру „Добрица Милутинович” у Сримскей Митровици будзе Шветочна Академия „Мацери Рускинї”, хтора и у Календаре репрезентативних манифестацийох Националного совиту Руснацох. Академию организує Подручна канцелариї Националного совиту у Сримскей Митровици, а почнє на 19 годзин.
Домашнї ше представя з рецитаторскима и музичнима точками – писнї буду рецитовац дзеци з дзецинскей роботнї при нашей грекокатолїцкей церкви и старши дзеци котри ходза на годзини руского язика и култури, а пририхтала их Моника Абодї. Ґу тому, виривки з поеми „Мацери Рускинї” Гелени Гафич Стойков пречитаю Ясна Арбанас и Звонко Беднар.
Руски шпиванки буду шпивац Мишана шпивацка група „Руски зарї”, солистка Даниєла Горняк и Дзивоцка шпивацка ґрупа.
Як госци на програми наступя КУД „Яким Ґовля” з Миклошевцох, Шпивацка група КУД „Коломийка”, а з руским танцом и танєчна ґрупа ветеранох КУД „Бранко Радичевич” зоз Сримскей Митровици.
Орґанизаторе поволую шицких же би на ютре пришли на програму.