РУСКИ КЕРЕСТУР – У Руским Керестуре на ютре, 10. януара, будзе отримана порядна Рочна скупштина Здруженя ремеселнїкох и приватних поднїмательох Руского Керестура, уж 182. по шоре.
Скупштина будзе на 17 годзин у Майсторским доме, а Здруженє и прейґ Рутенпресу поволує шицких своїх членох же би пришли на рочну схадзку.
З тей нагоди зоз Здруженя поволую шицких заинтересованих же би пришли на традицийни Майсторски бал, хтори будзе 23. януара у керестурским Ресторанє „Червена ружа”.