СРИМСКА МИТРОВИЦА – На швето Рождества Йоана Хрестителя по юлиянским календаре вчера, 7 юлия, грекокатолїки у Сримскей Митровици ше зишли у красним чишлє и принєсли пошвециц коло 30 венчики з польского квeца.
Як Рутенпресу явел сримскомитровицки парох о. Владислав Варґа, по бешеди старших вирнїкох тот обичай ту започал пред 35-40 роками, а у Бачкей ше затримал лєм у Коцуре, дзе пошвецаю „желє”.