СИВЕЦ – Фестивал акустичней музики Фамус, 35. по шоре будзе отримани нєшка вечар, 30. новембра на 20 годзин у Доме култури у Сивцу.
Тогорочни фестивал будзе отримани з мотом „У мено приятельства и любови”, а базовани є на наступох младих, ище нєафирмованих музичарох зоз Сербиї и реґиону.
У змагательней часци фестивалу наступя дванац ґрупи и кантавторе, а медзи нїма и Кристина и Дарко Афич з Руского Керестура, и Валентина Салаґ зоз Дюрдьова. Тамбурашски состав Ла Банда наступи на фестивалу як госц.
Пред Фамусом вчера вечар отворена вистава академского маляра Бояна Цветковича, а потим и акустични вечар Ивици Лешчешена з Кули.
Фестивал ше отримує под покровительством општини Кула.